Gazetari shqiptar që jeton dhe vepron në Greqi, Shpëtim Zinxhiria ka deklaruar se është kërcënuar nga një diplomat në ambasadën shqiptare në Athinë.
Zinxhiria, në një intervistë në Syri Tv, deklaroi se e ka kërcënuar me jetë diplomati Aleks Jase.
Ai shtoi se Jase është i njohur si person i dhunshëm, duke shtuar se edhe më herët ishte sjellë ndaj tij në mënyrë brutale.
“Më ka kërcënuar Aleks Jase. Më ka bllokuar rrugën, nuk u përgjigj kur i thashë se pse po vepron kështu. Më ka thënë se edhe gjashtë muaj jam diplomat e do shikoni çfarë do iu bëj. Nuk kam gjë personale me këtë person, por ky person njihet për sjelljet e dhunshme. Më ka kërcënuar, pasi e kam kritikuar për paaftësi. Është ky person, që nuk ka bërë sa duhet për emigrantët.
Kushdo që të ishte ky njeri do bëja kritikë të shëndoshë, nuk kam gjë personale, më ka marrë në telefon dhe çfarë nuk më ka thënë. Këta janë tipa, që kanë zaptuar ambasadën, do e padis, djemtë tanë mbarojnë për diplomaci dhe punojnë kamerier nëpër Greqi. Diplomatët shkojnë e vijnë, problemet tona, të emigrantëve këtu në Greqi, mbesin në vend”, deklaroi Zinxhiria.
