Ish-konkurrentja e “Për’puthen +40”, Stela zbuloi pak ditë më parë se ishte ndarë nga Çimi. Ata dolën çift nga programi dhe nëpër intervista e rrjete sociale u shprehën se kishin menduar që edhe të bashkëjetonin.
E teksa dukej se çdo gjë po shkonte bukur mes tyre, Stela bën postimet e papritur në rrjetet sociale. Ajo shkruante se e kishte marrë vesh se ishte ndarë, pasi Çimi kishte fshirë të gjitha fotot që kishin bashkë në “Instagram”. Madje ajo shtonte se nëse e shikon njeri në rrugë, ta pyesnin se pse.
“Mbas muajsh me radhë të insistimit të Çimit, u deklarova sepse mendova se ishte i sinqertë në ndjenjat e tij. Papritur pa asnjë shkak dhe pas asnjë komunikim, ne nuk jemi më bashkë dhe këtë e mësova nga heqja e fotove në Instagram-in e tij. Ky ishte Çimi”, shkruante Stela në postimin e saj.
Ndërsa së fundmi, ajo ka treguar se si ndihet pas ndarjes nga Çimi. Kanë qenë ndjekësit e saj, ata që kanë qenë kuriozë të dinë se si ndihet tani ish-konkurrentja e “Për’puthen +40”.
“Shumë njerëz më pyesin në privat si jam. Unë ju falënderoj për interesimin që keni treguar ndaj meje. Por… është një shprehje: ‘Më mirë vetë sesa keq të shoqëruar”, shkruan Stela në “Instastory”.
