Southampton bën të pamundurën. Padyshim që kjo përmbysje historike nuk do të harrohet kollaj nga tifozët vendas.
Pas një pjese të parë zhgënjyese, e cila përfundoi me rezultatin 0:2 me golat e Coutinho dhe Sturrdge, mikpritësit rifuten në fushe me tjetër mentalitet. Pasi humbasin edhe një penallti, golat vijnë në seri nga Mane (2) dhe Pelle. Ndeshja fillon me dominimin e miqve, të cilëve nuk i duhej shumë kohë për të kaluar në avantazh. Është sërish ai, sërish me një aksion personal.
Në minutën e 17-të Coutinho, pasi driblon disa mbrojtës nga e majta e tij futet për në qendër dhe godet nga një distancë afro 25 metra duke shënuar një super gol. Nuk vonon ‘shpulla’ e dytë për Southampton teksa vetëm pesë minuta më vonë vjen edhe goli i dytë për Liverpool, është Sturridge që shënon lehtësisht pas një pasimi të Origi-t brenda në zonë. Pak më vonë Liverpool shënon edhe golin e tretë por fatmirësisht për vendasit asistenti i arbitrit kryesor ngre flamurin për një pozicion jashtë loje.
Pjesa e parë përfundon 0:2, mikpritësit i pret një malore në pjesën e dytë. Mundësi e pastër për vendasit për të ngushtuar diferencën ë minutën e 50-të, teksa arbitri akordon një penallti pas një faulli të Skrtel drejt Pelle. Mane godet nga pika e bardhë por portieri Mingolet pret në të djathtën e tij. Rast i shpërdoruar për Southampton. Mikpritësit rrisin presionin dhe nivelin e lojës, dhe është pikërisht Mane që mendon të rregullojë gabimin në minutën e 64 me një gol të bukur pas një goditje diagonale që mund Mingolet.
Southampton fillon të shpresojë. Liverpool zgjohet dhe mundohet të mbyllë ndeshjen, kanë shumë hapësira por nuk arrijnë t’i shfrytëzojnë rastet e krijuara. Krejt e kundërta për vendasit, në minutën e 84 Pelle shënon golin e barazimit pas një pasimi të Long. Nuk ndalen ke kaq, vjen përmbysja historike në minutën e 86 teksa Mane përfiton nga një gabim në mbrojtje dhe godet nga brenda zonës për të kaluar Southampton në avantazh.
