Pjesa e parë e Partizan-Basel, ndeshje e vlefshme për raundin e dytë kualifikues të Europa League, është mbyllur 1-0 në favor të miqve.
Ka qenë Stocker që ka zhbllokuar ndeshjen në minutën e 38-të pas një përgjumje të skuadrës së Ilir Dajës.
Takimi që po luhet në Elbasan Arena ka nisur me një përleshje mes policisë dhe tifozëve zviceranë, me këta të fundit që janë nxjerrë me forcë nga stadiumi nga forcat e rendit.
Ndërkohë, tifozët Ultras Guerrils vazhdojnë të jenë opozitarë me drejtuesit e klubit të tyre. Në duelin e turit të parë u kujtuan merkaton e dobët, kurse tani merren me kompleksin.
Guerrils janë të drejtpërdrejtë me drejtuesit e klubit të tyre, të cilëve u përcjellin një mesazh të qartë nga stadiumi.
“Kompleksi peng burokracie, apo mungesë përparësie”, shkruajnë Guerrils, që presin prej vitesh ta shohin skuadrën e tyre të zemrës të luajë në shtëpinë e re.
https://streamable.com/6hjn5c
