Një qytetar ka humbur jetën si pasojë e Covid-19, ndërsa në 24 orët e fundit janë zbuluar 30 raste të reja nga 3316 testime të realizuara.
Rastet e reja janë evidentuar në këto bashki: 14 raste në Tiranë, 4 në Elbasan, 3 në Lezhë, 2 në Shkodër, nga 1 rast në Durrës, Kurbin, Korçë, Librazhd, Sarandë, Delvinë, Kuçovë.
Aktualisht janë 321 pacientë aktivë me COVID19 në të gjithë vendin, nga të cilët 115 në Tiranë.
Pavarësisht përpjekjeve të mjekëve në spitalin Infektiv, nuk e ka fituar dot betejën një qytetar 74 vjeç nga Kurbini, i cili nuk ishte vaksinuar ndaj Covid19.
Ministria e Shëndetësisë njofton se vihet re një rritje e rasteve të pacientëve që kanë nevojë për trajtim spitalor.
Aktualisht në Spitalin Infektiv po marrin trajtim të specializuar 17 pacientë.
Gjithashtu në njoftimin zyrtar thuhet se janë shëruar 8 qytetarë gjatë 24 orëve të fundit, duke e çuar numrin e të shëruarve në 130,174 që nga fillimi i epidemisë.
Statistika (28 Korrik 2021)
Raste të reja ditore 30
Të shëruar në 24 orë 8
Të shtruar në spitale 17
Humbje jete në 24 orë 1
Testime ditore 3316
Testime totale 889,044
Raste pozitive 132,952
Raste të shëruara 130,174
Raste Aktive 321
Humbje jete 2,457
Shpërndarja gjeografike e rasteve aktive sipas qarqeve:
Tiranë 115
Elbasan 45
Kukës 32
Lezhë 32
Vlorë 28
Fier 16
Durrës 16
Shkodër 15
Korçë 10
Berat 8
Gjirokastër 4
