Kjo e mërkurë i takon peshëngritjes në Lojërat Olimpike të Tokios, ku në garë është edhe shqiptari Briken Calja.
Peshëngritësi shqiptar ka arritur të ngrejë 151 kilogramë në stilin e shkëputjes në provën e dytë, ndërsa dështoi në të parën me të njëjtën peshë, si dhe në provën e tretë kur shtanga shkoi në 155 kilogramë.
Në shkëputje, vendi i parë i takoi peshëngritësit kinez Shi Zhiyoung, i cili vendosi edhe rekord olimpik me 163 kilogramë. Ndërkohë, Briken Calja e mbylli këtë stil në vendin e 6.
