Ky është heroi I momentit jo vetëm në Itali por në të gjithë Europën. Luca Scata tani është polici superhero i cili qëlloi terroristin e masakrës së tregut të Krishtlindjeve në Berlin.
Ai ishte thjesht një fillestar në radhët e karabinerve pasi kishte vetëm disa muaj që kishte filluar punë si polic, por nuhatja e tij arriti të ndiqte dhe të qëllonte duke e lënë të vrarë, Anis Amrin njeriun më të kërkuar në Evropë.
Siciliani, i cili punon në Milano, iu afrua vrasësit jashtë stacionit Sesto San Giovanni në pjesën veriore të Italisë ndërkohë që ishte duke patrulluar me kolegun e tij Christian Movio.
Ata i kërkuan atij dokumentet e identifikimit sepse i ngjante të dyshuarit të sulmit në Berlin, kur Amri nxori një armë nga çanta e tij dhe hapi zjarr duke thërritur “Allahu Akbar”.
Movio u plagos në shpatull ndërkohë që Amri filloi të vraponte e më pas u fsheh pas makinave ndërkohë që vazhdonte të qëllonte.
Scata filloi ta ndiqte dhe e qëlloi duke e lënë të vdekur në rrugë.
