Drejtuesja e lartë e Prokurorisë së Përgjithshme, Rovena Gashi ka sqaruar situatën me deputetin e LSI Shkëlqim Selami dhe kryebashkiakun e Kavajës, Elvis Rroshi.
Znj. Gashi zhvilloi një bisedë telefonike me gazetarin Blendi Fevziu mbrëmjen e djeshme në studion e ‘Opinion’, ku ndër të tjerë ishte i ftuar dhe z. Selami. Edhe pse deputeti deri në atë moment po mbrohej me argumentin se është dënuar pa dijeninë e tij në Itali dhe tashmë ka marrë pafajësinë, hezitoi të përballej me prokuroren dhe të mbronte versionin e tij.
Prokurorja Rovena Gashi që mban detyrën e Drejtoreshës së Marrëdhënieve me Jashtë në Prokurorinë e Përgjithshme si dhe drejtuese e Strukturës së Posaçme për Dekriminalizin, tha se deputeti Selami nuk ka marrë pafajësinë në Itali, por i është parashkruar dënimi. Që do të thotë se shteti italian nuk e ndjek më për ta arrestuar.
Më poshtë intervista e prokurores Gashi në “Opinion”
Gashi: Në bazë të ligjit për dekriminalizmin, të votuar nga deputeti aty dhe 139 të tjerë, Prokurori i Përgjithshëm, ka nisur verifikimin për zyrtarë të lartë. Procedura për zotërinë (Shkëlqim Selamin) ka nisur pasi ka patur indicie për precedentë në Itali.
Fevziu: Për çfarë akuzohej?
Gashi: Për trafik të qenieve njerëzore
Selami nën zë: Ia fut kot
Fevziu: A ka marrë pafajësi?
Gashi: Jo nuk ka marrë pafajësi, por i është parashkruar ekzekutimi dhe ndjekja penale, pasi ka kaluar një periudhë e gjatë dhe autoritet italiane s’kanë patur më interes.
Selami nën zë: Ky është skandal
Fevziu: Ka raste të tjera, zyrtarë që i kap ligji i dekriminalizmit?
Gashi: Po ka edhe raste të tjera të zyrtarëve të lartë që janë në proces verifikimi nga ana jonë. Janë zyrtarë të lartë, mes tyre dhe deputetë
Fevziu: Çfarë ndodh me deputetët, si është procedura?
Gashi: Prokuroria bën verifikimet dhe në bazë të ligjit i kërkon KQZ-së heqjen e mandatit. Ky është procesi administrativ, më pas do të nisë edhe ndjekja penale për ta.
Vezaj: Po për Rroshin a kanë ardhur materialet nga Italia?
Gashi: Autoritet italiane nuk kanë sjell ende leter-porosi, por ne kemi informacionet për përfshirje në aktivite kriminale kaq mjafton për të zbatuar pjesën adiministrative (shkarkimi). Ndërsa procedimi penal do të nisë në një kohë tjetër. /Opinion.al
*Ndiqni në videot më poshtë deklaratën e prokurores dhe reagimin e deputetit
