Një 39-vjeçar u arrestua nga policia e Vlorës, pasi akuzohet se kanosi me hanxhar të vëllain.
“Shërbimet e Komisariatit të Policisë Vlorë, pas njoftimit se në lagjen ‘24 Maji’, në ambientet e banesës, shtetasi G.M. kishte ushtruar dhunë fizike dhe po kanoste me mjet prerës (hanxhar) vëllain e tij, menjëherë kanë shkuar në adresën e dhënë. Punonjësit e Policisë së Patrullës së Përgjithshme kanë bërë të mundur neutralizimin dhe prangosjen e shtetasit G.M., në banesë. Në përfundim të veprimeve, nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit G. M., 39 vjeç, banues në Vlorë”, njoftoi policia.
Materialet procedurale i kaluan Prokurorisë pranë Gjykatës së Shkallës së Parë Vlorë, për veprën penale “Dhuna në familje”, shtuan të njëjtat burime.
