Një 28-vjeçar është arrestuar nga policia e kryeqytetit pasi i janë sekuestruar kokainë në banesë dhe gjatë kontrollit fizik.
Blutë njoftuan se aksioni për ndalimin e E.S. erdhi pas disa muajsh hetime. Hetuesit kishin marrë informacione se ai merrej me shpërndarje kokaine në zonën e Freskut.
Gjatë kontrollit fizik dhe në banesën e të riut, shërbimet e Policisë gjetën dhe sekuestruan një sasi me lëndë narkotike kokainë, një shumë parash dhe sende të tjera të kundërligjshme, bënë me dije burime zyrtare.
