Pas publikimit të vendimit nga Gjykata Kushtetuese për rrëzimin e kërkesës së opozitës për ligjin e Vetting-ut, ka reaguar Partia Demokratike.
Përmes një deklarate të shkurtër, PD thotë se respekton vendimin e Kushtetueses, ndërsa thekson se mbetet sërish e shqetësuar për vendosjen e gjyqtarëve dhe prokurorëve nën kontrollin e kryeministrit. Më poshtë deklarata e plotë:
“Partia Demokratike respekton vendimin e Gjykatës Kushtetuese në lidhje me Ligjin e Vetingut dhe ripohon vendosmërinë e saj për spastrimin e sistemit të drejtësisë nga të korruptuarit dhe shërbëtorët politikë.
Partia Demokratike mbetet njësoj e shqetësuar se ligji aktual do ta vendosë vetingun e gjyqtarëve dhe prokurorëve nën kontrollin e Kryeministrit.
Kontrolli qeveritar i vetingut është njësoj i rrezikshëm pavarësisht se kush është kryeministër. Por në kushtet aktuale, kur kryeministër është Edi Rama i cili është i lidhur me krimin dhe është zhytur në korrupsion, kontrolli kryeministror i vettingut do ta thellojë korrupsionin dhe kapjen e drejtësisë nga politika.
