Ish-konkurrenti i “Për’puthen”, Atdhe Xharavina, pak kohë më parë, bëri një deklaratë në rrjete sociale, përmes së cilës zbuloi se i ka dhënë fund shoqërisë me Andin.
“Gjithashtu me këtë dua t’ju them që i kam vu vizën disa personave që më quanin vëlla dhe ta punojnë mbrapa krahëve disa herë po e kam bo një sy qorr po u mbush kupa”, shkroi ai në atë kohë.
Atdheu, i ftuar në emisionin “Në Pranga”, zbuloi se Andi i kishte kërkuar të mos postonte foto me Jasminën dhe ai e kishte respektuar. Mirëpo, nga ana tjetër, Andi nuk kishte bërë të njëjtën gjë pas ndarjes së tij nga Sara.
“Sa herë që ka pasur konflikte me Jasminën, nja 2-3 herë i kam bashkuar unë. Këto u ndanë mes vete dhe unë prapë i kam mbajtur të dy afër, se s’kisha si t’i largoja pse janë ndarë. Tjetër raport kisha me Andin, tjetër me Jasminën. Si familje ishim bërë. Filluan ato jo po pse rri me Jasminën, jo po kështu, jo po ashtu. Për shok, për respekt, e largova Jasminën. As nuk e merrja më në celular, as nuk e afroja më si më parë. Mirëpo kur u ndava unë me Sarën, e mori vesh gjithë Shqipëria, Andi nuk e kishte marrë vesh. Të nesërmen poston foto me Sarën, që unë kisha kërkesa mos posto me Jasminën edhe e bëja. Ishte pëlqimi i shokut tim prandaj e bëja. Për këtë më ka ngelur hatri”, rrëfeu Atdheu.
