Policia ka vënë në pranga një 18-vjeçar, i cili dyshohet se shpërndante kanabis me doza të vogla në zona të ndryshme në qytetin e Rrëshenit.
Në një njoftim për mediat, policia sqaron se gjatë një kontrolli, 18-vjeçarit Keviljano Nikolli iu gjetën disa doza të dyshuara si kanabis.
Gjithashtu, gjatë kontrollit të ushtruar në banesën e tij, efektivët gjetën dhe sekuestruan në cilësinë e provës materiale një armë zjarri automatik me krehër me 30 fishekë.
Nikolli tashmë do të përballet në gjykatë me akuzat për veprat penale “Armëmbajtja pa leje” dhe “Prodhimi dhe shitja e narkotikëve”.
