Me kanabis në xhep e me armë në banesë, në pranga 18-vjeçari

Policia ka vënë në pranga një 18-vjeçar, i cili dyshohet se shpërndante kanabis me doza të vogla në zona të ndryshme në qytetin e Rrëshenit.

Në një njoftim për mediat, policia sqaron se gjatë një kontrolli, 18-vjeçarit Keviljano Nikolli iu gjetën disa doza të dyshuara si kanabis.

LEXO EDHE  Kjo valë e nxehtit në Greqi nuk është parë që nga viti 1987

Gjithashtu, gjatë kontrollit të ushtruar në banesën e tij, efektivët gjetën dhe sekuestruan në cilësinë e provës materiale një armë zjarri automatik me krehër me 30 fishekë.

Nikolli tashmë do të përballet në gjykatë me akuzat për veprat penale “Armëmbajtja pa leje” dhe “Prodhimi dhe shitja e narkotikëve”.