Një zjarr i fuqishëm përfshiu një shtesë sipër katit të dhjetë të një pallati në rrugën e Elbasanit në kryeqytet.
Shtëpia ishte e presidentit të klubit të Partizanit. Në videon më poshtë, shihet momentet kur Gaz Demi ndodhet poshtë pallatit në të cilin, apartamenti i tij u përfshi nga flakët kete te merkurë.
Flakët pushtuan tërësisht zonën e papafingos së pallatit, që ndodhet pas Autoritetet Shëndetësor Rajonal të Tiranës. Papafingoja mësohet se përdorej nga Demi si palestër personale. Forcat zjarrfikëse shkuan në vendin e ngjarjes dhe pas gati një ore mundën të shuajnë zjarrin. Ndërkohë policia bëri evakuuimin e banorëve, edhe pse për fat nga flakët nuk pati të lënduar. Nuk ka ende informacion për shkaqet e zjarrit.
