Në Kosovë, u regjistruan të Enjten edhe katër persona të infektuar me koronavirus.
Rastet e reja pozitive rezultuan pas 1,476 testimeve, bëri të ditur Ministria e Shëndetësisë e Kosovës.
Sipas njoftimit, në 24-orëshin paraprak u shëruan pesë pacientë, ndërsa raste aktive mbeten 106.
Kosova ka regjistruar në total 107,883 raste me koronavirus. Prej tyre, 2,264 pacientë kanë vdekur dhe 105,514 janë shëruar.
Minsitria e Shëndetësisë po ashtu njoftoi se në 24 orët e fundit, 11,513 qytetarë janë vaksinuar kundër koronavirusit. Numri i qytetarëve të vaksinuar me së paku një dozë ka arritur në 293,693. Vaksinimi masiv në Kosovë ka nisur më 15 qershor.
