Policia ka vënë në pranga juristin e Kadastrës së Durrësit, Mikel Zaho, pas një hetimi të nisur për një pronë në zonën e plepave në Durrës.
Zaho, 43 vjeç, është arrestuar si i dyshuar për veprat penale “Shpërdorimi i detyrës” dhe “Falsifikimi i dokumenteve”.
Raportohet se ka qenë prokuroria e Durrësit që ka kërkuar arrestimin e Zahos dhe personave të përfshirë në tjetërsimin e pronësisë për një sipërfaqe rreth 2 mijë metra katrorë në zonën e Plepave.
Zaho është arrestuar edhe në vitin 2019 si i dyshuar për veprat penale “Shpërdorimi i detyrës” dhe “Falsifikimi i dokumenteve”.
