Një aksident rrugor në autostradën Vlorë-Levan ka ndodhur mbrëmjen e sotme në Vlorë.
Ngjarja ka ndodhur rreth orës 19:15, në mbikalimin e Panajasë, ku një kamion “Autobot” me targë AA 882 HU, është përplasur me një automjet tjetër “Opel” me targë AA 090 HI.
Si pasojë e këtij aksidenti kanë mbetur të plagosur lehtë 3 shtetase, të cilat ndodheshin në automjetin tip “Opel”, si dhe drejtuesi i këtij automjeti shtetasi R.G., 26 vjeç, të cilët u transportuan drejt Spitalit Rajonal, dhe ndodhen jashtë rrezikut për jetën.
Grupi hetimor mbëriti menjëher në vendngjarje dhe po punon për sqarimin e rrethanave të këtij aksidentit.
