I nxehti i kësaj periudhe vere na bën të ekspozojmë veten ndaj ajrit të kondicionuar në mjediset e shumta që vizitojmë çdo ditë, shpesh edhe pa dashur.
Por sa duhet të jetë temperatura ideale më mjediset me ajër të kondicionuar krahasuar me atë të jashtme?
Lino Di Rienzo Businco, mjek në spitalin e “S.Carlo di Nancy” në Romë të Italisë tregon se ka një formulë për të vendosur temperaturën ideale të kondicionerit.
“Shpesh shkaku i ftohjes, i kollës dhe i dhimbjeve të fytit nuk është vetë kondicionimi i ajrit, por përdorimi i gabuar i tij, i cili i vë trupat tona papritmas nën stres termik për shkak të kërcimit të temperaturës. Ka një formulë të vogël. Vendosni një temperaturë të barabartë me gjysmën e asaj të jashtme plus 10°C. Për shembull, nëse temperatura e ambientit jashtë është 36°C, le të rregullojmë një të brendshëm me formulën 36/2 + 10 = 28°C “, citohet Lino Di Rienzo Businco nga “La Repubblica”.
