Italia fluturojë drejt Londrës me një mision të qartë, të heshtin Wembley dhe i ti japin trofeut një tjetër destinacion, ta dërgojnë në Romë për të festuar me tifozët “azzurr”. Atmosfera në radhët e ekipet përfaqësueses është fantastike, grupi është i plotë dhe më i bashkuar se kurrë.
Djemtë e Roberto Mancinit kërkojnë ti bëjnë një mbyllje perfekte këtij edicioni për të hapur një kapitull të ri në futbollin italian. Të gjithë italianët besojnë tek ky grup, beson shumë dhe një legjendë si Dino Zoff, heroi i Botërorit82:
“Ata luajnë në shtëpi, me publikun në krahë, mund ta themi që janë të avantazhuar, por ne mund ti mundim, nuk jemi absolutisht inferiore, përkundrazi. Kemi cilësi, eksperience dhe karakter. Mund të fitojmë, kam shumë besim”, u shpreh Zoff duke shtuar:
“Numrat nuk gabojnë, Roberto ka bërë një punë fantastike, por nuk kam pasur kurrë dyshime mbi këtë. Është një trajner ekspert, e njeh futbollin dhe ka fituar shumë eksperiencë duke drejtuar jashtë. Mënyra se si ai administron grupin është e jashtëzakonshme. Shpresoj shumë që të rri sa më gjatë, vazhdimësi është thelbësore”, u shpesh legjenda e futbollit italian.
