Një i mitur ka qëlluar me armë zjarri në fshatin Shpërdhet të Kurbinit, duke alarmuar banorët.
Këta të fundit kanë lajmëruar policiNë që ka ndaluar të miturin-14 vjeç, ndërsa nga të shtënat nuk raportohet për persona të lënduar.
“Shërbimet e Komisariatit të Policisë Kurbin pas marrjes së njoftimit se një shtetas po qëllon me armë zjarri në ajër në fshatin Shpërdhet, Kurbin, kanë organizuar punën dhe falë reagimit të shpejtë e profesional kanë bërë të mundur identifikimin, kapjen dhe arrestimin në flagrancë të autorit, konkretisht shtetasit D.T., 14 vjeç, banues në Mamurras, Kurbin. Shërbimet e Policisë kanë gjetur dhe sekuestruar në cilësinë e provës materiale edhe armën e zjarrit automatik, me të cilën ky shtetas kishte qëlluar në ajër”, njoftoi policia këtë të Shtunë.
Materialet i kaluan Prokurorisë Pranë Gjykatës së Shkallës së Parë Kurbin, për veprime të mëtejshme, shtuan të njëjtat burime.
