Detaje te reja nga hetimet e tenderit të uniformave të Policisë, kryer nga Ministria e Brendshme, ku në pranga përfundoi ish-Drejtoresha e Prokurimeve Publike në ketë ministri Edlira Naqellari.
Sipas dosjes së SPAK, tenderi është mbajtur më 1.05.2020 me objekt “Blerje dhe shpërndarje e uniformave dhe këpucëve të policisë së shtetit” për 4 vjet, me fond limit 2,800,347,570 lekë pa TVSH apo rreth 27 milionë euro me TVSH.
Burime nga grupi hetimor bëjnë me dije se përveç faktit se kompania fituese ka fituar edhe pse ka ofruar 5 miliard lekë më shumë se kompanitë e tjera, ka pasur gjithashtu mungesë dokumentacioni.
Ndërkohë, referuar hetimeve, edhe pse tenderimi është bërë me 11 maj, klasifikimi nuk është bërë ashtu siç e parashikon ligji, brenda 10 ditëve por është bërë rreth një muaj më pas.
Nënë urdhër-arreste të kërkuara nga SPAK janë miratuar nga Gjykata e Posaçme për zyrtarë e ish-zyrtarë të MB si dhe anëtarë të komisionit të vlerësimit për tenderin e uniformave.
Deri më tani janë ekzekutuar 8 urdhër-arreste.
Lexo edhe:
Korrupsion me tenderin e Ministrisë së Brendshme, urdhër-arreste për 9 zyrtarë
EMRAT/ Kush janë zyrtarët e arrestuar për tenderin korruptiv të Ministrisë së Brendshme
