Një tjetër rast korrupsionit që ka të bëjë me tenderat ka çuar pas hekurave zyrtarë dhe ish-zyrtarë këtë të Shtunë. SPAK ka lëshuar 9 urdhër-arreste të miratuara nga Gjykata e Posaçme si dhe ka kryer kontrolle në banesat e personave të akuzuar.
Sipas burimeve nga SPAK, dyshohet se të arrestuarit janë zyrtarë dhe ish-zyrtarë që janë përfshirë në tenderin e uniformave të policisë. Sipas burimeve, ky tender i Ministrisë së Brendshme ka shkaktuar dëm ekonomik për buxhetin, por është shkelur edhe barazia në tender. Mes urdhër-arresteve që SPAK ka lëshuar, është edhe emri i një zyrtari të lartë në Ministrinë e Brendshme.
Hetimet fillimisht nisën për shkelje në tendera, shpërdorim detyre e korrupsion. Por, ende nuk dihen se cilat janë akuzat konkrete që ka ngritur SPAK-u për personat e përfshirë ne ketë hetim. Ndërkohë, përsa i përket urdhër-arresteve, ato nuk janë ekzekutuar të gjitha dhe operacioni është ende në vijim. Pritet që në orët në vijim, SPAK të dalë me njoftim zyrtar dhe te japë detaje më të hollësishme për këtë operacion.
Tenderi kap vlerën e rreh 25 milion eurove dhe është bërë një vit më parë.
Lexo edhe:
EMRAT/ Kush janë zyrtarët e arrestuar për tenderin korruptiv të Ministrisë së Brendshme
