Pas shumë debateve që ka ngjallur i ashtuquajturi “Koncerti i Vjenës në Tiranë”, një tjetër reagim vjen nga Shkëlzen Berisha.
Ai ironizon kryeministrin Edi Rama dhe ministrin e tij të Shëndetësisë Ilir Beqaj. Për Ramën thotë se do ndërrojë shkopin e piktorit me dirigjentin, ndërsa Beqaj do urojë në gjuhët e botës “Suksese në jetë”. Shkëlzen Berisha shkruan se Filarmonia e Vienës më datë 1 Janar është anuluar për t’u zhvilluar në Tiranë më 2 Janar 2017.
“Lajm i ores se fundit Filarmonia e Vjenes anullon koncertin e dt 1 Janar ne Vjene per ta zhvilluar ate live nga “Pallati Kongreseve” ne dt 2 Janar. Mesohet qe gjate koncertit dirigjenti Dudamel dhe kryeministri Rama do te nderrojne shkopat.
Rama do marre shkopin e drejtimit te orkestres dhe do vazhdoje drejtimin e saj, ndersa Maestro Dudamel do marre shkopin e piktorit dhe do perfundoj nje pikture te lene ne mes nga Rama. Ne perfundim te shfaqjes ministri Beqja do uroje live ne te gjitha gjuhet e botes qindra milione teleshikues me urimin “Suksese ne Jete””, thotë Shkëlzen Berisha.
Edhe pse tashmë është mësuar se bëhet fjalë për vetëm 4 artisë nga Ballkani që do të luajnë, Rama vazhdon të këmbëngulë se bëhet fjalë për orkestrën e Vienës, të cilën ai ka bërë të mundur ta sjellë në Tiranë.
