Në orët e para të mëngjesit, disa qytetarë kanë raportuar se kanë dëgjuar disa të shtëna me armë.
Rasti publikohet nga JOQ Albania, e cila raporton se ngjarja ka ndodhur rreth orës 03:30-04:00. Dyshohet se patrulla e Policisë e rapartit “Shqiponja” ka qëlluar me armë drejt një automjeti tip “Audi”, që nuk dihet nëse dikush brenda tij ka reaguar po me armë.
JOQ bën me dije se menjëherë pas raportime komunikoi me zëdhënësin e Policisë së Shtetit, por kjo është mohuar si ngjarje.
Ndërkohë, është siguruar një video, ku policia është në ndjekje të një automjeti, ngjarje e regjistruar rreth orës, kur raportohen edhe të shtënat me armë. Të tilla ngjarje mund të konsiderohen sekret hetimor apo çështje nën hetim, por policia ka detyrimin ligjor të informojë qytetarët për gjithçka që ndodh, qofshin ato të rënda apo të lehta, pasi nga informimi nuk vjen asgjë e keqe përveç kujdesit te shtuar.
Qytetarët kanë të drejtë të dinë dhe te informohen për ngjarje që ndodhin ditën apo natën, të cilat mund të jenë me rrezikshmëri shoqërore për rendin, qetësinë dhe jetën e qytetarëve. Nëse ngjarja provohet se ka ndodhur kjo do të bënte rastin e dytë kur policia drejton armën kundrejt qytetarit dhe pastaj mohon ngjarjen. Rastin e parë e mbajmë mend të gjithë, ku Klodian Rasha, e qëllua për vdekje nga një efektiv policie, dhe menjëherë pas ngjarjes e gjithë Policia e Shtetit u përpoq t’ia hidhte fajin viktimës, por kamerat e sigurisë vërtetuan të kundërtën.
Fakti që ngjarja ka ndodhur në një orar ku në terësi qytetarët kanë qenë në gjumë, kjo s’do të thotë që policia duhet të mohojë ngjarjet sido që të ketë qenë dinamika e saj, qoftë kur Policia ka zbatuar ligjin, qoftë kur qytetari e ka shkelur atë.
Një qytetar shkruan:
