Këngëtari i famshëm Harry Styles dhe aktorja Olivia Wilde nuk mund t’i mbajnë duart larg njëri-tjetrit, teksa shijojnë rrezet e diellit në një jaht privat.
Në fotot e siguruara ekskluzivisht nga “Page Six”, çifti shihet duke shijuar pushimet në Monte Argentario.
“Harry është parë duke kaluar pushimet në Porto Ercole pasi mbaruan xhirimet e ‘My Policeman’ në Londër,“- tha një burim ekskluzivisht për “Page Six”.
Para se të nisej me pushime, Wilde kaloi kohë me djalin e saj, Otis, 7 vjeç dhe vajzën, Daisy, 4 vjeç, të cilën ajo e ndan me ish-të fejuarin Jason Sudeikis.
“Page Six” raportoi ekskluzivisht në janar se Styles dhe ish-ylli i “House” ishin bashkë pasi u takuan në setin e filmit “Don’t Worry Darling”.
Marrëdhënia e tyre është bërë më serioze pavarësisht hendekut të moshës prej dhjetë vitesh. Wilde është zhvendosur në shtëpinë e Styles që në muajin shkurt.