Pasi u shfaq si ekspert në fushën infektive, gjatë pandemisë së Covid-19, kreu i Urgjencës Kombëtare, Skënder Brataj, tani ka zgjedhur të japë këshilla, se si mund të shmangin pushuesit mbytjen në det. Me shumë gjasa, në stinën e vjeshtës, nëse do të ketë një shtim të rasteve me Covid, Brataj do t´i rikthehet këshillave për pandeminë. E deri atëherë duket se kreu i Urgjencës ka gjetur një mënyrë për të qenë aktiv në rrjetet sociale, por edhe i pranishëm në media.
Për këtë Brataj ka menduar të postojë në rrjet një video, ndërsa thekson se këto këshilla mund të shmangin aksidente të tilla me pasoja tragjike.
“Deti është për t’u shlodhur jo për të humbur jetën! Si të eviton mbytjen në det! Një fenomen që përsëritet çdo vit rregullisht.
Humbja e jetës në det ndodh shpesh për disa fenomene që duhet ti njohim. Po ashtu në këtë video shpjegohen si lindin këto fenomene dhe si duhet vepruar për të dhënë ndihmën e parë.
Kushtojini vetëm gjashtë minuta videos së mëposhtme”, shkruan Brataj.
