Këngëtarja e famshme me origjinë shqiptare, Rita Ora, ka vendosur të bëjë disa rinovime në shtëpinë e saj në Londër, ku do të përfshijë edhe një dhomë paniku.
Këngëtarja ka menduar ta kthejë shtëpinë e saj në një vend më të sigurt, pasi për shkak të suksesit, famës, pasurisë dhe ekspozimit ndaj publikut dhe medias, ajo është më e rrezikuar ndaj qëllimeve të errëta, shkruan “The Mirror”.
Bëhet një fjalë për një dhomë sigurie. Në raste sulmi, vjedhje apo ndonjë dukuri natyrore e mundshme, kjo do të jetë streha e sigurt për këngëtaren. Dera e dhomës është shumë e fortë dhe dhoma ka një mbulim të mirë të valëve telefonike.
