Video që është publikuar në mediat sociale, ku shfaqen dy gra duke shkelmuar dhe tërhequr nga flokët një të pastrehë në dritën e ditës në Venecia Beach në Los Angeles ka shkaktuar stuhi reagimesh në rrjete sociale.
Në video shihet dy gratë të cilat grushtojnë, tërheqin prej flokësh burrin dhe e godasin atë në shpinë, por më e habitshmja ishte se asnjë nga kalimtarët nuk i kushtonin vëmëndje këtij spektakli çnjerëzor.
Sipas gazetës britanike ‘Daily Mail’ dy gratë njëra me flokë të zeza dhe tjetra bjonde pretendojnë se i riu i kapi nga gjoksi dhe për këtë shkuan në kundërsulm.
Shqetësimet në lidhje me sigurinë e lagjes Los Angeles janë rritur muajt e fundit që kur numri i çadrave të pastreha në zonë filloi të rritet, sipas rrjetit amerikan Fox News.
Këshilli i Qytetit të Los Anxhelos po përpiqet të zvogëlojë problemet që lidhen me të pastrehët.
Këshilltari i Qytetit Mike Bonin shkroi në Twitter këtë javë se, me iniciativën e bashkisë, dhjetëra njerëz të pastrehë tashmë janë evakuuar në ambiente të mbyllura.