Kryeministi Edi Rama ditën e sotme feston ditëlindjen e tij të 56-të. Por Kreu i Qeverisë ka zgjedhur që në rrjetet sociale të postojë një urim lidhur me 245-vjetorin e Pavarësisë së SHBA.
“Gëzuar 4 korrikun Amerikë”, shkruan Rama, ditëlindja e të cilit përkon dhe me ditën e pavarësisë së SHBA-ve.
Rama lindi në 4 korrik në Tiranë, ndërsa para zgjedhjes së tij si kryeministër, ka mbajtur disa pozicione të tjera.
Karrierën politike e nisi në vitin 1998, kur u emërua si Ministër i Kulturës, Rinisë dhe Sportit, post që e mbajti për 2 vite. Në vitin 2000 ai u zgjodh për herë të parë kryetar i Bashkisë së Tiranës, ndërsa u rizgjodh në vitin 2003 dhe 2007.
Viti 2011 solli edhe humbjen e zgjedhjeve lokale në Bashkinë e Tiranës. Prej 2013 ai mban postin e Kryeministrit.
