Duke filluar që nesër maturantët duhet të regjistrohen në portalin e faqes së AKP-së e më pas të aplikojnë në formularin A1/A1Z, i cili ndahet në dy faqe. Agjencia Kombëtare e Provimeve ka publikuar një sërë të dhënash që udhëzojnë maturantët se cilat janë lëndët më me rëndësi që duhet të zgjedhin.
Gjithashtu në këtë portal “ealbania” maturantët do të udhëzohen se si të aplikojnë përmes portalit qeveritar.
Aplikimi nëpërmjet portalit të Maturës Shtetërore do të kryhet pas katër ditësh dhe vijon deri më 10 prill sipas një kalendari datash në rrethe.
Hapi i parë, regjistrimi në portalin e faqes AKP:
Maturantët do të shënojnë gjeneralitetet sipas dokumentit të identifikimit.
Hapi i radhës është aplikimi për formularin A1/A1Z, i cili ndahet në dy faqe:
Në të parën paraqiten 15 pika për t’u plotësuar me të dhënat personale, shkollore dhe lëndore. Dy prej tyre, indeksi i profilit dhe emërtimi i profilit plotësohen në shkollë.
Në pikën e fundit kërkohet caktimi i gjuhës së huaj me detyrim dhe lëndët me zgjedhje, përbri së cilës një kuti shfaq automatikisht numrin e krediteve, që si rregull nuk duhet të jetë më pak se 8.
Në fund të këtij procesi është opsioni “dërgo”, komandë e cila këshillohet të shtypet vetëm pasi të jetë bërë dhe një rishikim i të dhënave të plotësuara.
Nëse nuk ka asnjë problem, në portal shfaqet tabela “Paraqituni në shkollë të përfundoni aplikimin”, mesazh që duhet të vijë në celular dhe adresën e emailit. E njëjta procedurë vlen edhe për formularin A1Z, i cili plotësohet nga maturantët e viteve të kaluara.
Ja cilat janë lëndët me zgjedhje:
Nga kjo tabelë me 30 lëndë me zgjedhje, maturantët kanë mundësi të zgjedhin vetëm dy prej tyre. Përveç shumës së krediteve, maturantët duhet të kenë parasysh edhe një rregull tjetër. Ai nuk mund të zgjedhë të njëjtën lëndë në dy versione, për shembull kimi bërthamë dhe kimi e thelluar.
Përveç lëndëve me detyrim, letërsi e gjuhë shqipe dhe matematikë, programi orientues i një lënde të thelluar përmban edhe programin përkatës të lëndës bërthamë. Për të ndihmuar maturantët, në tabelën lart kemi paraqitur tabelën më lëndët konfliktuale apo që përjashtojnë njëratjetrën. Në këtë pikë, ekspertët e arsimit apelojnë maturantët të kenë kujdes në zgjedhjen e lëndëve që iu japin atyre më tepër bonus në garën për në universitete. Nuk këshillohet ndërmarrja përsipër e lëndëve të vështira, pasi rezultati i dobët, pavarësisht koeficientit të lartë i penalizon ndjeshëm.
