Autoritetet egjiptiane nuk kanë lejuar që djali i ish-numrit një të Al-Kaeda i cili është vrarë nga marinsat amerikan të futet në territorin vendas.
Zyrtarët e sigurisë në aeroportin ndërkombëtar të Kajros, thonë se Omar bin Laden, i biri i Osama bin Laden,i është mohuar hyrja në vend, duke e dëbuar në drejtim të Turqisë.
Omar bin Laden dhe gruaja e tij mbërritën të shtunën në Kajro nga Katari dhe pas kontrollit të të dhënave të pasaportës së tij saudite, ai ishte përfshirë në listën e atyre që e kishin të ndaluar hyrjen në vend. Ata u larguan në drejtim të Turqisë sipas zgjedhjes së tyre.
