Aristela Leka disa ditë më parë bëri një deklaratë lidhur me djemtë e programit “Përputhen” që shkaktoi mjaft debate.
“Çunat aty dukeshin nga larg si burra, por nga afër nuk ishin burra. Ata për veten e tyre janë ndjerë burra, por për mua s’janë. Një burrë në syrin tim është një person që i del për zot vetes, është një person që thotë që jam dikushi, por në fakt s’është askushi, është një person që e mban fjalën që thotë dhe është një person që e ka atë komunikimin me mua. Asnjë nga ata nuk ishte për mua”,- u shpreh Aristela gjatë intervistës në “ABC e pasdites”.
Nderkaq që ditën e djeshme, Princi Mile një tjetër ish-konkurent i programit ishte i ftuar në “ABC e pasdites” dhe ka treguar se në çastin kur u bë publike kjo deklaratë e Aristelës ai ishte në punë dhe u infromua nga pjestarët e familjes.
“Unë kam qenë në punë, ndërkohë që Aristela ishte në intervistë dhe më kanë marrë pjesëtarë të familjes më kanë thënë të kujtohet një shoqe që ke bërë shumë dhe vazhdon flet keq për ty. Nuk është hera e parë që e diskuton çështjen e burrërisë, ta kam dëgjuar njëherë, dy herë, edhe prandaj jam sot këtu që ta mbyllim njëherë e përgjithmonë”,- tha Princi.
Ai gjithashtu shtoi se e gjitha kjo po bëhet për vëmendje dhe se sipas tij këto gjera ajo duhet ti bëjë më dikë tjetër.
