Carla Bellucci, modele dhe influencere angleze, do të sjellë në jetë fëmijën e saj të katërt në një transmetim të drejtpërdrejtë për 12 mijë euro.
39-vjeçarja ndiqet shumë në Instagram por mbi të gjitha në OnlyFans, një platformë e përhapur në Mbretërinë e Bashkuar që i lejon të postojnë përmbajtje +18 dhe të fitojnë falë shikimeve të përdoruesve.
Ideja e transmetimit të lindjes në internet lindi nga kërkesa e një fansi, i cili i ofroi asaj 10 mijë paund (rreth 12 mijë euro) për të transmetuar drejtpërdrejt lindjen e foshnjës së saj. Në këtë pikë, ajo vendosi të shpërndajë ftesën për abonentët në kanalin e saj dhe të propozojë oferta për të ndjekur momentin në të cilin djali i saj do të vijë në këtë botë.
“Unë jam një grua biznesi dhe kam nevojë të fitoj para”, tha Carla Bellucci, e cila pas njoftimit të shtatzënisë së saj thotë se jetoi “muajt më të mirë”.
“Unë madje mora kërkesa për të shitur qumështin tim të gjirit, të cilin unë as nuk e dija se ishte e mundur”, tha ajo për Daily Star.
Bellucci shtoi më tej se fitoi mbi 3,000 paund ditën kur zbuloi shtatzëninë.
“Tani ata më kanë ofruar 12,000 euro për të transmetuar lindjen e fëmijës tim. Dhe thashë me vete: pse jo? Shumë njerëz lindin në programe televizive dhe dokumentarë, nuk shoh ndonjë ndryshim. Jam e sigurt që ata as nuk paguhen ”, tha 39-vjeçarja në përgjigje të kritikave.
