Festim Lelaj, ish-nënkomisar i policisë së Fierit, ka tentuar ti shpëtoje arrestimit, duke u hedhur nga lartësia e banesës.
Ndaj tij, është caktuar urdhër-arrest në kuadër të mega-operacionit të koduar “shpirti”, kryer nga autoritete shqiptare në bashkëpunim me ato italiane.
Kur efektivë të policisë kanë shkuar në banesën e tij për ta ndaluar, Festim Lelaj është hedhur nga kati i dytë dhe ka pësuar frakture në këmbë.
Ai është transportuar për në spital për të marrë mjekim dhe më pas drejt Drejtorisë së Përgjithshme të Policisë së Tiranës.
Lidhur me operacionin, janë lëshuar 38 urdhër-arreste, 10 prej të cilëve ekzekutuar dhe të akuzuarit janë arrestuar më parë e ndodhen në Itali. Të dyshuarit akuzohen për grup të strukturuar kriminal, korrupsion, shpërdorim detyre, pastrim parash e trafik ndërkombëtar të sasive të konsiderueshme të lëndëve narkotike. Lidhur me aksionin, arrestime janë kryer në Shqipëri, Itali, Mal të Zi dhe Spanjë.
Lexo edhe:
Shpërbërja e grupit kriminal, kush është ish-nënkomisari i policisë i arrestuar sot
