Ambasada Italiane në Tiranë ka reaguar lidhur me operacionin e anti-mafias italiane dhe Policisë së Shtetit, ku u arrestuan 38 persona, të akuzuar për trafik droge, korrupsion, abuzim me detyrën dhe pastrim parash.
Me anë të një postimi në rrjetin social, ambasada ka dhënë disa detaje në lidhje me këtë operacion, ku mbetën të arrestuar, prokurorë, shefa policie, drejtorë dhe persona të tjerë të përfshirë në vepra të ndryshme penale.
“Drejtoria Hetimore Antimafia, së bashku me autoritetet shqiptare, me ndihmën e Zyrës Italiane të Ndërlidhjes Interforcë në Tiranë dhe të policisë shqiptare, janë duke ekzekutuar urdhra ndalimi të 38 personave përgjegjës për veprat penale të korrupsionit, abuzimit me detyrën, pastrimit të produkteve të veprave penale dhe trafikimit ndërkombëtar të lëndëve narkotike”, thuhet në reagimin e parë të Ambbasadës.
