Gazeta Koha Jonë, me botues Nikoll Lesin, në një kryeartikull të saj analizon zgjedhjet e 25 prillit, ndërsa pyet se kush e ka fajin që opozita nuk fitoi 71 mandate, Lulzim Basha apo Monika Kryemadhi.
“Zgjedhjet u vulosën. PS mori pushtetin, Edi Rama drejton prapë. PD dhe LSI në opozitë edhe katër vite, të paktën.
PD mori 59 mandate deputeti me 25 prill, kurse LSI 4 mandate ose 1 me shumë se Tom Doshi si PSD”, thuhet në artikull.
Duke bërë një krahasim me zgjedhjet e 2017, në artikull thuhet se PD mori 16 mandate më shumë në 25 prill, ndërsa LSI mori 16 mandate më pak.
“Para zgjedhjeve të 25 prillit PD-ja deklaronte se do merrte 65-70 mandate, kurse LSI fliste për diku te 30 mandate deputeti.
Sikur LSI të merrte 12 mandate sot punët do ishin ndryshe, pra nga një deputet për qark.
PD-ja nuk mori sa tha e duhej, por ama shtoi 16 deputetë.
LSI ra në pikiatë për një mijë arësye. Dhe një nga arsyet mbetet se nuk ishin në këtë realitet!”, shkruan gazeta e Nikoll Lesit.
