22 familje në fshatin Porodinë të Korçës kanë dalë sot në protestë pasi sipas tyre disa persona që ata i cilësojnë si “Mafia e Korçës” po u grabit pronat që i kanë marrë me ligjin 7501.
Banorët thonë se prej vitesh po përdoren dokumenta të falsifikuara dhe korrupsion duke ndikuar në vendimet e Gjykatave të Shkalles se Parë dhe Apelit në Korçë duke arritur që një siperfaqe toke prej 3 HA, me dokumenta të falsifikuara ta zhvendosin në hartë nga brendesia e fshatit ku ndodhet, në tokat që janë pranë aeroportit.
Qëllimi i vetëm sipas banorëve është prej kësaj grabitje të perfitojnë nga shpronesimet apo projekti i aeroportit të Lumalasit.
Banorët ndihen të pafuqishëm për ti berë ballë ketyre personave të lidhur me njerëz të pushtetit dhe drejtesisë ndërsa shtojnë se gjyqtarët që janë shkarkuar edhe nga vetingu janë akuzuar për fshehje te pronave perfshirë edhe në këtë zonë.
