Pas sulmit të ashpër që Partia Demokratike i bëri LSI -së ku e fajësoi se është përgjegjëse njësoj si PS për vjedhjet dhe koncesionet, ka reaguar zv/kryetari i Lëvizjes Socialiste për Integrim Petrit Vasili.
Ky i fundit tha se problemi i Partisë Demokratike nuk është LSI por oligarkia dhe dekriminalizimi është standard i panegociueshëm, thotë deputeti.
Petrit Vasili ka sulmuar edhe kreun e demokratëve Lulzim Basha, për të cilin shprehet njësoj si kolegët e tij të PS.
“Basha të ndajë se ku është, këtu apo në Holandë. Basha të zgjedhë realitetin apo qiellin e shtatë”, tha numri dy i LSI-së.
Sa i përket akuzave se LSI është përgjegjëse për gjendjen e keqe të vendit njësoj sa PS, Petrit Vasili thekson se partia e tij zbaton me ndershmëri marrëveshje politike.
