Mersian Muliu është lojtari më i ri i Vllaznisë. Shkodranët kanë firmosur një kontratë 5 vjeçare me lojtarin që vjen nga Akademia. 19 vjeçari do të bashkohet shumë shpejt me grupin, teksa shpreson se do japë edhe ai kontributin e tij.
“FIRMOS EDHE SULMUESI 19 VJEÇAR MERSIAN MULIU.Pas firmës së hedhur me mbrojtësin Geralb Smajli, pasditen e sotme KF Vllaznia ka firmosur me një tjetër futbollist 19 vjeçar të Akademisë tonë. Këtë herë bëhet fjalë për sulmuesin Mersian Muliu. Kontrata e e firmosur prej tij është 5 vjeçare dhe klubi i uron një përfaqësim sa më dinjitoz të fanellës kuqeblu”- shkruan Klubi.
Muliu ka spikatur te moshat dhe në këtë mënyrë është parë e arsyeshme të jetë pjesë e ekipit të parë.Skuadra nga Shkodra synon që të bëjë mirë në Europë, për të menduar më pas për sezonin që vjen.
