Një vajzë 11 vjeçe besohet se është nëna më e re në Britaninë e Madhe. Mediat shkruajnë se e mitura ka sjellë në jetë një fëmijë dhe kishte mbetur shtatzënë kur ishte 10 vjeçe. Ajo ka lindur foshnjën e saj në fillim të qershorit, pas 30 javësh shtatzënë.
“Kjo është nëna më e re për të cilën kam dëgjuar”, është shprehur Dr. Carol Cooper. “Pesha ndikon në shumë hormone. Për shkak se fëmijët janë më të rëndë, puberteti po ndodh më herët këto ditë, ”shtoi ajo.
Shtatzënia ka tronditur familjen e vajzës, të cilët janë shprehur se nuk ishin të vetëdijshëm se ajo po priste një fëmijë.
“Ka ardhur si një tronditje e madhe”, ka thënë për mediat britanike një burim që e njeh familjen. “Ajo tani po rrethohet nga ndihma e ekspertëve. Gjëja kryesore është që ajo dhe foshnja janë mirë”, ka shtuar ai.
Ndërkohë, Shërbimet sociale dhe Policia po hetojnë.
“Ka shumë pyetje rreth njerëzve pse nuk e dinin. Kjo është shumë shqetësuese”, tha burimi për Sun.
