ShÇBA ka nisur hetimet lidhur me masakrën e Velipojës ku mbetën të vrarë 4 persona dhe u plagosën 2 të tjerë, si pasojë e një konflikti me armë mes familjeve Ferracaku dhe Gocaj për shezlongjet e plazhit.
Në orët e para të së dielës humbën jetën Kujtim Ferracaku 59 vjeç, pronar i hotel “Fantazia”, vëllezërve Xhovani dhe Edmond Gocaj 25 dhe 38 vjeç që kishin hotelin “Gocaj” dhe jetimi fatkeq Musaen Zenelit 20 vjeç.
Konflikti verbal nisi rreth orës 14: 00 të së shtunës mes dy familjeve pronare të hoteleve në zonën e plazhit në Velipojë.
Dyshohet se lidhur me konliktin, fillimisht verbal, mes dy familjeve që kishin hotelet në një distancë prej 50 metrash, policia e Velipojës ka pasur dijeni, por nuk kanë arritur ta shuajnë.
Dhe arsyetimi që është përdorur në këtë rast ishte se ndarja e plazhit nuk është kompetencë e Policisë.
Për këtë SHÇBA ka nisur hetim rreth reagimit të uniformave blu në parandalimin e konfliktit që pati një bilanc tragjik me 4 të vrarë.
Nga ana tjetër nga hetimet e kryera deri tani rezulton se janë përdorur 6 armë, ndërsa policia ka gjetur vetëm dy pistoleta, 1 në vendin e ngjarjes dhe 1 tjetër në hotelin Gocaj.
Ka qenë ora 00:30 e së dielës kur Kujtim Ferracaku së bashku me vëllain e tij, Hasanin dhe 4 nipat kanë shkuar tek Hotel Gocaj, i cili ndodhet rreth 50 metra nga hoteli i tyre ku kanë nisur edhe konfliktin me armë.
Nga dëshmia e të plagosurit Hasan Ferracaku kanë qenë vëllezërit Gocaj që kanë qëlluar të parët dhe se vëllai i tij Kujtimi është vetëmbrojtur. Në vend ngjarje janë gjetur disa lloje gëzhojash dhe sipas hetimit në këtë përplasje janë përdorur 6 arme. Ndër ta edhe armë zjarri kallashnikov.
Ndërkohë babai i dy vëllezërve Gocaj pretendon se ishin Ferracakët që shkuan dhe qëlluan të parët, duke vrarë fillimisht djalin e madh, i cili ishte kthyer nga Anglia, dhe më pas edhe vëllain e tij.
Viktima mbetën, biznesmeni Kujtim Verracaku (Ferrcaku) 59 vjeç, pronar i hotel “Fantazia”, vëllezërve Xhovani dhe Edmond Gocaj 25 dhe 38 vjeç që kishin hotelin “Gocaj” dhe jetimit fatkeq Musaen Zenelit 20 vjeç, që e kapi një plumb në zemër dhe i mori jetën në vend. Nga përplasja me armë u plagosën po ashtu edhe Hasan Ferracaku, vëllai i biznesmenit që u vra dhe nipi i tij Elmedin Tyli. Dy të plagosurit u arrestuan për ngjarjen, ndërsa në kërkim janë shpallur tre vëllezër; Abedin, Shyqyri dhe Besar Ferracaku, banues në fshatin Pulaj, të dyshuar si bashkautorë në krim.
