Seketari i Përgjithshëm i LSI-së, Endrit Braimllari, ka reaguar pas konferencës për shtyp të ministrit të Brendshëm, Blendi Çuci, i cili hoqi përgjegjësitë e Policisë së Shtetit, lidhur me situatën e rendit dhe sigurisë, duke u shprehur se ajo nuk mund të ndjekë nga pas çdo makinë apo të parandalojë ngjarje që ndodhin në orën 01:00 të natës.
“Ministri i Brendshëm duhet të sqarojë opinionin publik mbi mbështetjen që i ka dhënë Edi Rama, ai dhe policia e shtetit grupeve kriminale duke i përdorur gjerësisht në fushatë në funksion të Rilindjes.
Këto drejtues e kthyen Policinë e Shtetit në strukturë mbështetëse të grupeve kriminale.
Ministri i Brendshëm dhe Policia e Shtetit janë nën këmbët e krimit të organizuar dhe as nuk guxojnë të bëjnë detyrën që i takon”, reagoi Braimllari.
Më tej ai shprehet se “Edi Rama e ktheu Policinë e Shtetit në shërbim të grupeve kriminale dhe është përgjegjës kryesor për situatën kriminale në vend. Policia e Shtetit ka humbur funksionin e saj jo sepse nuk ka profesionistë por sepse ajo drejtohet drejtpërdrejt nga Edi Rama në shërbim të strukturave kriminale”.
