Ministri i Brendshëm, Saimir Tahiri i është përgjigjur akuzave të PD-së për mos arrestimin e Klemend Balilit. Ky reagim i Tahirit vjen pas akuzave të opozitës, se maxhoranca nuk e ka arrestuar vetë “Escobarin e Ballkanit”.
Në një postim në profilin e tij në rrjetin social “Facebook”, Tahiri shprehet se të shumëkërkuarin e kanë peshqesh nga PD-ja.
“Trimat e Shqupit vazhduan edhe sot te nxjerrin llumin e godines se tyre per te njollosur Policine e Shtetit. Perseri akuzuan Policine dhe mua personalisht per mosarrestimin e Klement Balilit.
Dua t’ju them sot se ashtu si gjithe llumin e Lazaratit e te droges, te krimit te organizuar e te korrupsionit ne polici e gjetem nuk e sollem ne, po e trasheguam nga ju, edhe Klement Balilin nga ju e kemi peshqesh!”, tha Tahiri.
Numri 1 i ministrisë së Brendshme tha se pavarësisht përpjekjeve për tu fshehur, apo edhe mossuksesit të përkohshëm të policisë për arrestimin e tij, Balili nuk do ti shpëtojë arrestimit.
“Klement Balili nuk ka asnje shprese t’i shpetoje arrestimit sado te fshihet skutave e ferrave te zones ku ka vendosur t’i beje rezistence forces se ligjit. Eshte i mbaruar dhe fundi i tij do te jete aty ku kane perfunduar shume te tjere perpara tij”, tha Tahiri.
Deklaratat e PD, Tahiri i quajti sulme ndaj policisë, ministrit dhe vetë kryeministrit, dhe sipas tij këta jane vetem aktoret e nje maskarade te pambarimte kunder Policise se Shtetit dhe pergjigjen do ta marrin ne 18 qershor te vitit qe po vjen bashke me ndeshkimin e tyre me te rende popullor!
