Kryeministri Edi Rama ka inspektuar ditën e sotme punimet që po kryehen në qytetin e Vlorës.
Paradite ai u pa nën shoqërinë e Damian Gjiknurit dhe Afrim Qëndros duke inspektuar kantieret e ndërtimit.
Këtë pasdite kryeministri ka shpërndarë në ‘Instagram’ një foto, ku shihet i relaksuar dhe duke pozuar përballë detit.
Ajo që bie në sy është veshja e kryeministrit, ku ai shihet i veshur me të shkurtra, atlete dhe me çorape të kuqe.
Me sa duket kryeministri e ka harruar këshillën që veterani socialist Pandeli Majko i dha përpara 2013-ës, se nëse donte të bëhej ndonjëherë kryeministër i Shqipërisë do të duhej t’i hiqte çorapet e kuqe.
