Policia e Lezhës njofton se ka goditur një rast të tentativës për kultivim kanabisi në Fushë Milot, Kurbin.
Si pasojë, u arrestuan në flagrancë shtetasit Idriz Huseni, Hasan Kasmi, Hazbi Kasmi dhe shtetasja Merita Kasmi të gjithë banues në Fushë Milot, Kurbin.
Sipas njoftimit të bluve, arrestimi i tyre u bë pasi janë kapur në kushtet e flagrancës, duke tentuar të kultivojnë bimë narkotike cannabis sativa në pjesën e pasme të banesave, në tokat në pronësi të tyre, në fshatin Fushë Milot, Kurbin.
Materialet do t’i kalojnë Prokurorisë pranë Gjykatës së Shkallës së Parë Kurbin, për veprën penale “Kultivimi i bimëve narkotike”, njoftoi më tej policia.
