Policia e Sarandës ka sekuestruar një sasi të madhe droge, dhe ka arrestuar 9 persona, ku 8 prej tyre ishin gra.
Nga informacionet paraprake, dyshohet se policia ka sekuestruar mbi 1 ton kanabis sativa.
Sipas policisë sasia e lëndës narkotike që është sekuestruar, ishte në një tynel në Qafë-Gjashtë, pranë vendit të quajtur “Nënstacioni”
Sipas informacioneve të para, dy furgona policie janë ngarkuar plot me marijuanë të sekuestruar, ndërsa personat e ndaluar janë shoqëruar në komisariatin e Sarandës.
Në këtë operacion kanë marrë pjesë edhe Forcat e Ndëryrjes së Shpejtë. Policia e qytetit bregdetar po vijon hetimet për zbardhjen e plotë se cilët janë pjestar të këtij grupi të trafikut të drogës.
