Selena Gomez ka folur për marrëdhëniet e saj të mëparshme sentimentale. Në një intervistë për “Vogue Australia”, ajo u shpreh: “Shumica e përvojave të mia kanë qenë marrëdhënie të mallkuara”.
Selena thotë se ka qenë e vështirë teka ishte në vëzhgim nga të gjithë dhe nuk mund të kishte një lidhje në privatësi.
“Unë kam qenë shumë e re për t’u ekspozuar ndaj disa gjërave kur isha në marrëdhënie dhe kurrë nuk ndihesha vërtet e barabartë”, shpjegoi ajo.
Jeta e saj sentimentale ka qenë në objektivin e kamerave dhe mediave, që në momentin kur ajo u bë e njohur, në një moshë fare të re.
Ndjekësit e vjetër të saj e mbajnë mend romancën e shumëpërfolur që pati me këngëtarin Justin Bieber, në vitin 2010. Gjithashtu, pati një njohje me The Weeknd në vitin 2017.
Këto histori të saj, janë një ndër arsyet pse kompania e saj e kozmetikës quhet pikërisht “Rare Beauty” (Bukuri e rrallë). “E rrallë” e ndihmoi Selenën të përcaktojë një fazë të re në jetën e saj. Ndërkohë, “Rare” është vlerësuar nga fansat dhe kritikët si një nga albumet më të vëretë të Selenës.
