Komisioni Qendror i Zgjedhjeve në mbledhjen e sotme ka shpërndarë mandatet për deputetët e zgjedhur në 25 Prill, ku konfirmon futjen në Kuvend të nënkryetarit të LSI-së Petrit Vasili, pas vendimit të Monika Kryemadhit për të mbajtur mandatin e fituar në qarkun e Fierit.
Ndërkohë mandatin e Partisë Socialdemokrate, pas dorëheqjes së Tom Doshit e ka marrë Gertjan Deda, i cili renditej në vendin e dytë në listën e kësaj force politike për qarkun e Tiranës.
Ndërkohë që një tjetër vendim që pritej dhe u konfirmua nga KQZ ishte kalimi i mandatit të Edi Ramës në Vlorë për Teuta Ramajn, e cila mbante vendin e 9-të në listën e PS-së.
Rama zgjodhi që të mbajë mandatin e marrë në qarkun e Durrësit.