Ambasadorja amerikane Yuri Kim, iu drejtuar me një tjetër thirrje institucioneve të reja të drejtësisë, KLP dhe KLGJ, për të çuar përpara këtë reformë.
Kim u shpreh se nëse s’tregoni guxim, koston do e paguajë brezi i ardhshëm.
Diplomatja amerikane në mesazhin e rradhës drejtuar KLP dhe KLGJ shprehet se këto institucione kanë shumë punë përpara, ndërsa shprehet se duhet të ndalohen shtirjet.
“Le të ndalojmë së shtiruri dhe të çojmë reformën përpara. E kuptoj që puna e gjyqtarëve nuk është e lehtë, por është e rëndësishme. Nuk mund t’ia lejojmë vetes të mos kemi sukses në këtë reformë. Së pari, KLP duhet të plotësojë detyrën e tij për të pasur një SPAK me prokurorrë që kanë kaluar Vettingun.
Nuk ka dyshim që plotësimi i vendeve bosh, të shkaktuara nga Vettingu ka qenë alarmuese. Por, KLP ka mundësinë për të rikthyer procesin ne shtegun e duhur. Këshilli duhet të veprojë tani për të bërë një vlerësim të sistemit, duke bërë hartësimin gjyqësor dhe duke iu kërkuar llogari magjistratëve.
Këshilli duhet të themelojë e caktojë mirë standardet, me qëllim që t’iu kërkojë llogari magjistratëve.
Këshilli duhet të ndjekë rregullat e procedurat, në kohën e përcaktuar nga ligji.
KLGJ e KLP kanë shumë punë përpara, por nuk janë vetëm. Ne e kuptojmë që ata janë qenie njerëzore. Ne e kuptojmë trysnin, ndoshta jo aq mirë sa ju, por e kuptojmë po aq sa ju rëndësinë e të ecurit përpara. Ky është momenti, ju keni rol tejet të rëndësishëm”, tha diplomatja amerikane.
